每個月臨近經期，好多女性都會感覺肚脹、胸脹、情緒起伏大，但當你發現經期遲咗幾日、胸部變得更敏感、甚至覺得肚仔有啲唔同時，心入面就會開始諗：「係唔係中咗?」偏偏經前症狀(PMS)同懷孕初期反應真係非常相似，搞到人分唔清。咁到底點先知道自己係未有咗?
為咩咁多人分唔清經前症狀同懷孕反應?
首先要明白，女性身體喺排卵後、無論有冇懷孕，荷爾蒙都會產生變化，尤其係黃體素(Progesterone)升高，導致身體出現類似懷孕反應，例如乳房脹痛、情緒波動、疲倦等等。
但如果懷孕成功，體內會開始分泌另一種荷爾蒙——人絨毛膜促性腺激素(hCG)，呢種荷爾蒙係孕婦特有，亦係驗孕棒可以測到「兩條線」嘅原因。所以，分辨懷孕同經前症狀，唔單止要觀察身體反應，仲要掌握時間點。
方法一：留意月經週期變化(幾時應該嚟又冇嚟?)
經前症狀：通常係排卵後7–10日開始出現，直到月經嚟之前結束。一旦經期嚟咗，症狀會逐漸消失。
懷孕初期：經期應該嚟但遲遲未嚟，有啲人會見到「着床出血」，以為係早到月經，但其實只係少量粉紅或啡色分泌物。
📌 小貼士：如果你經期準時，但今次遲咗7日或以上，可以考慮驗孕。
方法二：乳房感覺有唔同?
經前症狀：乳房脹痛、變得敏感，但隨住經期嚟到會好返。
懷孕初期：乳房唔單止脹痛，乳頭顏色會加深、乳暈擴大，有人仲會感覺刺痛或者腫脹更明顯。
📌 小貼士：懷孕初期乳房變化會愈嚟愈明顯，唔會隨月經來潮而緩解。
方法三：疲倦+作嘔感有冇持續?
經前症狀：可能會覺得攰，但一般唔會太誇張，也唔會有作嘔。
懷孕初期：因為hCG快速上升，會導致「晨吐」、嗅覺變得敏感，見到某啲食物或者聞到氣味都會想嘔，成日都覺得好攰想訓覺。
📌 小貼士：懷孕初期疲倦感會幾乎每日都有，尤其係黃昏時間更加明顯。
方法四：分泌物顏色同性狀有變化?
經前症狀：白帶會稍多，有時會有啲黃白，但基本無味。
懷孕初期：因為荷爾蒙變化，白帶會變得更多，質地偏稠厚，顏色透明至乳白色，無異味。
📌 小貼士：如果見到粉紅或啡色分泌物，可能係「着床出血」，可以係受孕後7–10日出現。
線上咨詢預約 · 周六日正常接診
方法五：體溫有冇高咗?(基礎體溫法)
經前症狀：排卵後體溫升高，但經期前1–2日會跌返落嚟。
懷孕初期：基礎體溫維持高溫超過18日以上，通常就係有咗。
📌 小貼士：如果你習慣每日起身量體溫，可以好準確知道自己有冇懷孕。
補充：呢啲都係懷孕初期可能出現嘅其他徵兆
食慾改變(鍾意食酸、甜、辣)
頻尿但無痛(因為子宮壓住膀胱)
情緒唔穩定(比PMS更誇張)
輕微腹痛(似月經前痛，但冇嚟M)
香港女性懷疑自己有咗BB，應該點做?
驗孕棒初步測試：建議等到預期月經遲咗1星期先驗，晨尿效果最好。
如驗出兩條線，可考慮抽血驗孕：比驗孕棒準確得多。
盡快婦科檢查：照超聲波確認係宮內懷孕(排除宮外孕)。
如未有計劃生育，可即時了解終止懷孕方案：如藥流、人流手術。
如打算保胎，應早做產前保健+葉酸補充。
深圳婦科診所可以點幫你?
因為香港做婦產科檢查等候時間較長，好多女性選擇跨境到深圳私家診所，原因包括：
收費透明：抽血驗孕+超聲波約 ¥200–¥300，當日即知結果。
預約即日做檢查：唔駛等幾個禮拜。
如有需要終止懷孕：可即日評估，安排藥流或人流。
常見問題(FAQ)
Q1：未遲經幾日可唔可以驗孕?
A：可以，但要選擇「高靈敏度」驗孕棒。最好等遲經後7日再驗最準。
Q2：經期準但今次遲咗，係咪一定有咗?
A：未必。壓力大、作息混亂、激烈運動都會影響排卵。
Q3：白帶多又透明係咪有咗?
A：可能性有，但唔一定。透明白帶亦可能係排卵期。要靠驗孕確認。
Q4：點解懷孕會肚痛?
A：可能係子宮擴張或着床反應，但如果痛到無法忍受，應盡快睇醫生。
温馨提醒：香港女生經常被「有冇懷孕」呢個問題困擾，特別係性行為後、經期遲咗，或者身體有啲唔同感覺。雖然懷孕同經前症狀真係好難分，但只要你細心觀察身體變化，再加上正確時間做驗孕，就唔怕亂估亂驚。
如果你懷疑自己有咗、或者唔想懷孕，可以盡快搵婦科醫生做評估。深圳診所係唔少香港女性會考慮嘅選擇，檢查快、費用合理、私隱度高，係一個穩陣又實際嘅方法。
記住，無論懷孕與否，尊重自己身體、照顧好自己，先係最重要。
